ჩილეს საერთაშორისო აეროპორტში, მგზავრმა American Airlines-ის სარეგისტრაციო პუნქტი ჩაქუჩის გამოყენებით დაარბია. მამაკაცი მას შემდეგ გამოვიდა მწყობრიდან, რაც გაიგო, რომ მას ყალბი ბილეთი მიჰყიდეს.
პოლიციის ცნობით, მამაკაცმა თანამშრომლებთან კამათის შემდეგ ჩანთიდან ჩაქუჩი ამოიღო და სარეგისტრაციო დახლთან ტექნიკის და ნივთების დაზიანება დაიწყო.
შემთხვევის ამსახველი ვიდეო მასალა სოციალურ ქსელში გავრცელდა, სადაც ჩანს, რომ მამაკაცი კომპიუტერებს და მონიტორებს ამსხვრევს. მომხდარს ასობით თვითმხილველი ჰყავდა.
